Талдықорған маңында жол-көлік апатынан екі адам қаза тауып, біреуі жарақаттанды

«Талдықорған-Үштөбе» айналма жолында «Mitsubishi Pajero» автокөлігі «КАМАЗ» жүк көлігімен соқтығысты. «Mitsubishi Pajero» автокөлігін 32 жастағы ер адам басқарған, ол жолаушысымен бірге оқиға орнында көз жұмды. Сонымен қатар, 34 жастағы әйел түрлі жарақаттармен қалалық ауруханаға жатқызылды.

Көлік апаты бойынша қажетті сараптамаларды тағайындай отырып, сотқа дейінгі тергеу амалдары басталды.

Полиция автокөлік жүргізушілерін ҚР Жол ережелерін мүлтіксіз сақтауға және автожолдарда қырағылық танытып, сақ болуға шақырады.