Жетісу облысында екі ағайынды ауыл тұрғынын тонағаны үшін қылмыстық жазаға тартылады
Аталған факт Көксу ауданында тіркелді, онда жергілікті полицейлер тонау жасады деген күдікпен Теректі ауылының екі тұрғынын ұстады.
Күдіктілер, 1986 және 1977 жылы туылған, ағайындылар болып шықты. Олар бір күн бұрын ауыл тұрғынына қонаққа барған, масайып қалғаннан кейін үй иесін ұрып-соғып, тонап кеткен. Ұялы телефоны, 20 мың теңге және автокөліктің кілтінен айырылған жәбірленуші Көксу аудандық полициясына ресми түрде арызданды.
«Қолма-қол ақшаны қоспағанда, жәбірленушіден тартып алған барлық заттар табылды және заңды иесіне қайтарылды. Ұсталған ағайындылардың бірі бұрын сотталған екені анықталды, қазір оларды қамауға алу туралы мәселе шешілуде. Іс бойынша тергеу амалдары ҚР ҚК-нің 191-бабына сәйкес (Тонау) жүргізілуде», – деп хабарлады аудандық полиция.
