«Алматы-Өскемен» тас жолында ЖКО салдарынан әйел адам қайтыс болып, бала жарақат алды

Бұл дерек 8 тамызда «Мерседес Бенс» көлігінің қатысуымен Жетісу облысының Көксу ауданында тіркелді. Неміс шетелдік көлігін 39 жастағы ер адам басқарған, ол «Алматы-Өскемен» тас жолының 235 шақырымында көліктің аударылуына жол берген.

Оқиға орнында жүргізушінің 35 жастағы әйелі қайтыс болды. Сондай-ақ, екі жасар бала әртүрлі жарақаттармен ауруханаға жатқызылды. ЖКО фактісі бойынша қажетті сараптамаларды тағайындай отырып, сотқа дейінгі тергеу амалдары басталды.