Талдықорған маңындағы тас жолда жүк көлігі жаяу жүргінші қағып өлтірді

Аталған факті 8 тамызда Талдықорған маңында «Алматы-Өскемен» тас жолының 272-шақырымында «MAN» автокөлігінің қатысуымен тіркелді. 61 жастағы облыс орталығының тұрғыны жүк көлігінің дөңгелектерінің астына түсіп, ауруханаға жеткізу кезінде алған жарақаттардан көз жұмды.

Жаяу жүргінші жол жиегіндегі жүк көлігінің артында тұрған, жүргізуші оны байқамай, көлікті артқа берген кезде қағып кеткендігі белгілі болды. Оқиғаның мән-жайын Талдықорған полициясы анықтап жатыр.

Полиция азаматтарға жол бойында  жауапкершілікті күшейтуді талап етеді. Жолда өте мұқият болыңыз, жол қателікті кешірмейді.

Осы жылы облыстың автожолдарында жаяу жүргіншілердің қатысуымен 52 жол-көлік апаты тіркелді, онда 17 адам қаза болып, 69 адам түрлі жарақат алды.