Талдықорған маңында иесіз қалған үй құрылысында қару-жарақ сақталған тағы да бір жасырын орын табылды

Жетісу полицейлері ұйымдастырған арнайы іс-шаралар барысында атыс қаруы сақталған жасырын орын табылды. Жасырын орын Талдықорғанның шетіндегі қараусыз қалған үй құрылысында орналасқан.

«Сол жерде «Vernery Carron» қос ауыз мылтық және «Сайга-12» маркалы мылтық тәркіленді. Екеуі де 12 калибрлі. Арнайы мәліметтер базасын тексере келе, табылған атыс қаруы 2022 жылғы қаңтар оқиғасы кезінде Алматы қаласының аңшылық дүкендердің бірінде ұрланған деп танылды», – деді Жетісу облысы ПД бастығының орынбасары Елдар Әбдікенов.