Өрт сөндіру бөлімдерінің қызметкерлері біліктіліктерін арттырды
Өрт сөндіру бөлімдерінің қызметкерлері біліктіліктерін арттырды
2023 жылғы 5 қазанда аудандық өрт сөндіру бөлімдерінің басшылары мен радиотелефонисттері және оларды ауыстырушы тұлғалар Қызылорда облысы әкімі аппаратының Жедел әрекет ету орталығында «Көмек-112» автоматтандырылған ақпараттық жүйесі тақырыбындағы қысқа мерзімді курстың дәрістерін тыңдап, біліктіліктерін арттырды. Дабыл бойынша шығыстарға шақыртулар «112» құтқару қызметінен тікелей бөлімдерге жолданады. «112» жүйесі еліміз бойынша жұмыс атқаратын бірыңғай құтқару қызметі. «112» нөміріне кез-келген ұялы телефонмен хабарласуға болады. Еске сала кетейік, қоңырау шалу арқылы өмірі мен денсаулығына қауіп төнген кез-келген адамға шұғыл көмек көрсетуді қамтамасыз етуге, жазатайым оқиғалар, авариялар, өрт, қоғамдық тәртіпті бұзу және басқа да оқиғалар мен төтенше жағдайлар кезінде материалдық залалды азайту мақсатында барлық арнайы қызметті бір уақытта жедел жұмылдыруға мүмкіндік береді.
Қызылорда облысы ТЖД «ӨСжАҚЖҚ» ММ
