Жетісу облысының авто жолдарында мопедтер мен скутерлердің қатысуымен болған апаттардың алдын алу үшін патрульдік топтар жұмыс істеуде

Олардың қатысуымен болатын жол апаттарының алдын алу үшін облыстың полицейлері барлық жолдарда және елді-мекендерді аралайтын арнайы мобильді топтар құрды. Демалыс күндері патрульдік топтар скутерлер мен мопед жүргізушілері жіберген 222 заң бұзушылықтар анықтады. 92 көлік арнайы тұраққа орналастырылды. Ең алдымен, олардың қауіпсіздігін қамтамасыз етуге және жол апаттарын болдырмауға бағытталғанын атап өткім келеді. Скутер мен мопед тізгіндеген 21 кәмелетке толмағандардың ата-аналары әкімшілік жауапкершілікке тартылды.Осы жылы Жетісу облысының автожолдарында самокат, скутер және мопедтердің қатысуымен 19 жол-көлік оқиғалары тіркелді. Жол апатында 2 адам қаза тауып, 20 адам түрлі жарақат алған.