До 1000 евро повышен порог беспошлинного ввоза посылок для физических лиц в ЕАЭС

Балалардың қауіпсіздігі: Жетісу полицейлері жергілікті атқарушы органдар өкілдерінің қатысуымен дөңгелек үстел өткізді

19 Apr, 09:04
2 mins read
196
Балалардың қауіпсіздігі: Жетісу полицейлері жергілікті атқарушы органдар өкілдерінің қатысуымен дөңгелек үстел өткізді
ДП области Жетісу

Өңір полициясы басшылығының бастамасымен облыстық департамент қабырғасында құқық қорғау органдарының, мәслихат депутаттарының, облыстық білім басқармасы мен жергілікті атқарушы органдардың өкілдерінің қатысуымен дөңгелек үстел өтті.

Күн тәртібінде білім беру мекемелерінде оқушылардың қауіпсіздігін қамтамасыз ету, жолдардағы балалардың жарақаттануына жол бермеу, ортақ мәселелер және оларды шешу жолдары талқыланды.

– Балалардың қауіпсіздігін қамтамасыз ету – полицияның бүгінгі таңдағы басты міндеттерінің бірі. Мәселелердің барлығын егжей – тегжейлі зерделеп, осы бағыттағы олқылықтарды жою үшін талдау жасау қажет, – деп атап өтті Жетісу облысы ПД бастығы Сарқытбай Құсаинов.

Кездесу барысында оқу орындарын тексеру нәтижелері, қай мекемелерде осал жерлер бар және қауіпсіздікті қай жерде күшейту қажет екені көрсетілді.

– Барлығымыз білетіндей, қазір оқу орындарында орнатылған бейнебақылау камералары Жедел басқару орталығына шығарылған, ол жерден полиция қызметкерлері білім беру мекемелеріндегі жағдайды бақылай алады. Тексеру кезінде турникеттерді орнату, дабыл түймелері мен бейнебақылау камераларының жұмыс істеуі бөлігінде бірқатар кемшіліктер анықталды. Бірлесіп оларды жою бойынша қажетті жұмыстар жүргізілуде, – деп атап өтті Жетісу облысы ПД ЖПҚБ бастығының орынбасары Аида Белгібаева.

– Оқу орындарының дайындығын тексеру әрдайым тамыз айында оқу жылы басталар алдында жүзеге асырылады, алайда жылдың соңында бейнебақылау камералары мен басқа да техникаларға қызмет көрсететін ұйымдармен көптеген келісімшарттардың мерзімі аяқталады. Жаңа келісім жасалып жатқанда біраз уақыт өтеді, бірақ олардың қызметі сол сәтте тексерілмейді, сондықтан оқу орындарына жиі тексеру және мониторинг жүргізу қажет, – деп атап өтті облыстық мәслихат депутаты Қуат Баймұрзаев.

Сонымен қатар, жол қауіпсіздігі және балалардың жарақаттануына жол бермеу мәселесі қарастырылды. – Балалар біздің болашағымыз, балалардың қауіпсіздігін қамтамасыз ету біздің басты міндетіміз, сондықтан біз бұл мәселеге мұқият қарауымыз керек. Өз тарапымыздан біз барлық қажетті шараларды қабылдаймыз және туындаған мәселелерді шешу үшін көмек көрсетеміз, – деп атап өтті облыстық мәслихат төрағасы Гүлнар Тойлыбаева.

Кеңестің қорытындысын өткізе отырып, өңір полициясының басшысы күзет құрылымдарының қызметін жақсарту, жалпы білім беру мекемелерін техникалық жарақтандыруды жетілдіру жөнінде ұсыныстар енгізді, сондай-ақ қатысушылардың барлығына ризашылығын білдіріп, бірлескен күш-жігермен ғана балалардың қауіпсіздігінің тиісті деңгейде қамтамасыз етуге болатынын атап өтті.

Subscribe or follow our news on social networks
Error in the text? Please let us know. Highlight the error and press Ctrl + Enter

Last News

01 May
30 April