Талдықорғанда жол талғамайтын көлік пен жүк көлігі соқтығысқан кезде төрт адам зардап шекті

Жол-көлік оқиғасы 24 ақпанда Талдықорғаннан шыға берісте (айналма жол) "Алматы-Өскемен" автожолының 273 шақырымында орын алды. 69 жастағы "UAZ Patriot" жүргізушісі "Жол беріңіз" белгісін елемей, "JAC" жүк көлігімен соқтығысуға жол бергені алдын ала анықталды.

Жол талғамайтын көлік салонында бес адам болды, олардың төртеуі әртүрлі жарақаттармен ауруханаға жатқызылды.

"Жол апатын тергеу ҚР ҚК 345-бабы бойынша жүргізілуде. Автокөлік арнайы автотұраққа қойылды. Іс жүзінде қажетті сараптамалар тағайындалды", - деді Талдықорған ҚПБ анықтау бөлімінің бастығы Мирас Асқаров.

Жетісу полициясы жол қозғалысына қатысушыларды ҚР Жол қозғалысының ережелерін және рұқсат етілген жылдамдық режимін қатаң сақтауға шақырады.