Түркістан облысы бойынша соңғы 3-4 жылда туа біткен катарактасы бар пациенттер Алматы, Астана қалаларындағы республикалық клиникаларына жолданатын. Облыстық балалар ауруханасында ағымдағы жылдың сәүір айында МӘМС жүйесі есебінен 3 науқас балаға туа біткен катаракта бойынша ота жасалды.
Оталарды облыстық офтальмологиялық ауруханасының жоғары санатты офтальмохирург-дәрігері Марат Байғабулов жасады. Сонымен қатар, білікті дәрігер жас мамандарға шеберлік класс аясында дәріс өткізді. Дәрігер науқастың бұлынғырланған көз бұршағын ультрадыбыстық аппараттың көмегімен алып, оның орнына жасанды көз бұршағын – көз ішілік линзаны (ИОЛ) имплантациялады. Балалардың отадан кейінгі көздерінің көру қабілеті 40% жоғарлады, ары қарай реабилитация жүргізіледі.
Кішкентай баланың көру қабылетін анықтау қиын болуы мүмкін. Алайда, 18 жасқа толмаған бала МӘМС жүйесінде жеңілдік санатта болғандықтан кез-келген тексеруден өту маңызды. Дер кезінде емделмеген жағдайда көру қабілетінің күрделі проблемалары дамуы мүмкін. Операциясыз ауыр катаракта соқырлыққа әкеп соқтырады.