МӘМС-тегі ЖИ-құралдары: халыққа кеңес беру мен қаржыландыруды ашық жүргізу

МӘМС 2.0 трансформациясы аясында Әлеуметтік медициналық сақтандыру қоры да бірнеше бағыт бойынша ЖИ-құралдарын дамытып, сынақ жұмыстарын жүргізуде. Негізгі міндет процестерді ашық ету, қолмен атқарылатын жұмыс көлемін азайту және ықтимал тәуекелдерді ерте кезеңде анықтау.

Бірінші бағыттардың бірі – жасанды интеллекті МӘМС мәселелері бойынша азаматтарға берілетін кеңестердің сапасын бақылау барысында қолдану.

ЖИ-жүйе қоңырауларды талдайды, қате немесе толық емес жауаптарды анықтауға көмектеседі және қолмен тексеру үшін таңдаулы хабарламаларды қалыптастырады. Бұл ең алдымен қолмен бақылау көлемін азайтуға және мамандардың назарын қосымша бағалауды талап ететін кеңестерге назар аударуға мүмкіндік береді.

Қазіргі уақытта бұл қызмет сынақ режимінде жұмыс істеп тұр. Келешекте ол күнделікті қызметтік тапсырмаларды орындауға және әкімшілік жүктемені азайтуға арналған ЖИ-көмекшінің бір бөлігіне айналады.

ЖИ-құралдарын қолданудың екінші бағыты – процестер бірыңғай деректерге, өлшемдер мен ережелерге негізделе алатын салаларда енгізу. Бұл адам факторының әсерін азайтуға және қабылданатын шешімдердің негіздерін түсінікті әрі тексерілетіндей етуге мүмкіндік береді, бұл өз кезегінде процестердің ашықтығын арттырып, сыбайлас жемқорлық тәуекелдерін барынша азайтады.

Мұндай тәсілдер медициналық қызметтерді стратегиялық сатып алуда, медициналық көмек көлемін жоспарлауда және жеткізушілердің қызметіне мониторинг жасау кезінде қолданылуы мүмкін.

Жасанды интеллект үлкен ақпарат жиындарын салыстыруға, ауытқуларды анықтауға және талдамалық ұсыныстар қалыптастыруға көмектеседі. Бұл ретте шешімдер Қор мамандарының қатысуымен белгіленген тәртіпте қабылданатын болады.

Дамудың үшінші векторы – медициналық көмекке ақы төлеу кезіндегі ықтимал бұзушылықтарды анықтауға арналған антифрод-жүйеге ЖИ-құралдарын енгізу.

Жыл сайын Қор көрсетілген миллиондаған медициналық қызметтер туралы мәліметтерді өңдейді. Жедел әрі дәл мониторинг жүргізу үшін қолданыстағы формальды-логикалық бақылаулар деректерді талдау құралдарымен және жасанды интеллект технологияларымен толықтырылуда.

Атап айтқанда, машиналық оқытуды қолдана отырып, ұсынылатын қызметтердегі ауытқулардың тәуекелін бағалау моделдері әзірленуде. Олар медициналық көмекке ақы төленгенге дейін бейтиптік көрсеткіштер мен ықтимал бұзушылықтарды табуға көмектеседі.

Міндеті – бұзушылықтарды орын алғаннан кейін емес, қаражат аударылғанға дейін анықтауға көшу. Бұл ретте толық автоматтандыру туралы сөз болып отырған жоқ. ЖИ деректерге бастапқы талдау жүргізеді, ал түпкілікті бағаны Қор мамандары береді.

Тағы бір бағыт – Тәуекелдерді басқару жүйесін дамыту. Оның міндеті медициналық көмекті жеткізушінің ықтимал тәуекелдерін алдын ала белгілеу, ал мониторинг пен төлем жүргізу тәртібі оның тәуекел-профиліне байланысты болатын тәуекелге бағдарланған модельге көшу.

Қордың Ситуациялық-талдамалық орталығы Nazarbayev University-мен бірлесіп тәуекелге бағдарланған модельдің критерийлері мен индикаторларын, сондай-ақ тәуекел-дәліздерінің шекараларын әзірлеуде.

Модель аясында үш тәуекел-дәлізі қарастырылған – Senim, Baqylau және Qauip. Олар тәуекелге бағдарланған мониторингтің негізіне айналады. Келесі кезеңде олардың мүмкіндіктерін жасанды интеллект пен машиналық оқыту технологиялары есебінен күшейту жоспарлануда.

Әзірленіп жатқан модель жеткізушіні автоматты түрде тәуекелдің үш деңгейінің біріне жатқызады: төмен, орташа немесе жоғары.

Автоматты талдау нәтижелері түпкілікті шешім болмайды. Егер жеткізуші бағалау нәтижелерімен келіспесе, ол түсініктемелер, қарсылықтар мен растайтын құжаттарды ұсына алады. Олар қарастырылып, негіз болған жағдайда бағалау нәтижелері қайта қаралуы мүмкін.   

Барлық ЖИ-құралдарына қауіпсіздік, сапа мен сүйемелдеуге қойылатын бірыңғай талаптар қолданылады. Жасанды интеллект ең алдымен деректерді өңдеу мен талдауға арналған көмекші құрал ретінде қарастырылады, ол адамның кәсіби шешімін алмастырмайды.

ЖИ-құралдарын енгізу 2029 жылға дейінгі «Digital Qazaqstan» ауқымды цифрландыру және жасанды интеллект технологияларын енгізудің Жалпыұттық стратегиясы шеңберінде іске асырылуда.

Самые свежие новости экономики, политики и культуры на наших страницах в Telegram, Instagram и мобильных приложениях на Android и iOS.