Ордабасы аудандық орталық ауруханасына 45 жастағы науқас өткір іштің ұстама тәрізді ауырсынуымен жеткізілді.
Кезекші дәрігер және жауапты хирургтар бірлескен тексеру жүргізіп, науқасқа жедел странгуляциялық тоқ ішек өтімсіздігі диагнозы қойылды. Науқастың өміріне қауіп төнгендіктен, шұғыл түрде операция бөлмесіне жеткізіліп, лапаротомиялық отасы жүргізілді.
Ота Міндетті әлеуметтік медициналық сақтандыру жүйесі (МӘМС) аясында тегін жасалды. Операция жоғары деңгейде, қазіргі медициналық стандарттарға сай орындалды.
Білікті хирургтар мен анестезиологтардың кәсіби жұмысының арқасында науқастың жағдайы тұрақталып, қалпына келу кезеңіне өтті.
Бұл жағдай – міндетті әлеуметтік медициналық сақтандыру жүйесінің арқасында аудан тұрғындарына заманауи, жоғары технологиялы медициналық көмектің қолжетімді екенін дәлелдейді.
