Қазақстандық азық-түлік өнімдерін сату мәселелерін Алматы облысында талқылады

Қазақстандық азық-түлік өнімдерін сату мәселелерін

 Алматы облысында талқылады

23 тамыз 2022 жыл. «Атамекен» Кәсіпкерлер палатасында өңірлік тамақ өнімдерін өндірушілердің, салалық одақтар өкілдерінің және азық-түлік нарығы сарапшыларының қатысуымен кездесу өтті. Кездесу Алматы облысын қоса алғанда бүкіл ел үшін өзекті мәселелерге – отандық өнімдерді желілік бөлшек саудада сату және дүкен сөрелерінде импорттың басым болуына байланысты қиындықтарға арналды.

Кездесуге қатысушылардың пікірінше, бұл жағдай қазіргі күрделі геосаяси жағдайда елдің азық-түлік қауіпсіздігіне қауіп төндіреді. Жергілікті өндірушіні қолдамай, біз оның даму және өсу мүмкіндіктерін шектейміз, бұл жалпы ел экономикасының және атап айтқанда халықтың экономикалық жағдайының нашарлауына барлық негізді жасайды.

Жетісу облысы «Атамекен» ӨКП басшысы Дәурен Оңалбаевтың айтуынша.

 «Атамекен» үшін мүдделер теңгерімін сақтау маңызды, себебі палата барлық кәсіпкерлердің мүдделерін қолдайды. Бірақ біз бөлшек сауда желілерінде өнімді сату кезінде үлкен қиындықтарға тап болатын отандық тамақ өндірушілердің өтініштерін естиміз. Біз мерзімі жеткен мәселелерді талқылау үшін «Атамекен» алаңын ұсынуға дайынбыз. Еркін сауда қағидаттары, сөзсіз, маңызды, алайда біз үшін елдің азық-түлік қауіпсіздігі де маңызды. Біз барлық мүдделі тараптардың қатысуымен, сауданы реттейтін мемлекеттік құрылымдардың қатысуымен оңтайлы шешімді бірге таба алатынымызға сенімдіміз».