Талдықорғанда жеті автобус жүргізушісі жауапқа тартылды

Талдықорған полицейлері «Автобус» профилактикалық іс-шараның алғашқы күні қоғамдық көліктің 7 жүргізушісін жауапкершілікке тартты. ҚР Жол қозғалысы ережелерін өрескел бұзғаны үшін екі автобус айыппұл тұрағына орналастырылды.

Анықталған бұзушылықтардың қатарына тиісті рұқсатсыз көлікті қайта жабдықтау, міндетті техникалық байқаудың жоқ болуы, жүргізушілер автобусты басқару кезінде телефон немесе радиостанцияны пайдалануы және басқа да құқық бұзушылықтар жатады.

Сондай-ақ, лауазымды тұлғалардың біреуі де жауапкершілікке тартылды.

Естеріңізге сала кетейік, облыста профилактикалық сипатқа ие және жолаушыларды тасымалдайтын жүргізушілер арасында көлік тәртібін арттыруға бағытталған «Автобус» (26-28 сәуір аралығында) профилактикалық іс-шарасы жалғасуда.