Жетісу облысында мемлекеттік органдар мен полицияның адам саудасына қарсы іс-қимыл жөніндегі өзара іс-қимылы талқыланды

Іс-шарада Жетісу облысы ПД ҰҚҚКБ қызметкерлері мен Талдықорған өңірлік әйелдерді қолдау орталығының өкілдері сөз сөйледі.Кездесу барысында полицейлер осы жылы өңірде адам саудасына байланысты 2 жағдай тіркелгені туралы хабардар етті. Екі факті бойынша сотқа дейінгі тергеу амалдары полиция департаментінің ерекше бақылауында екендігі атап өтілді. Адамды құлдыққа жегу мен адам саудасы – қазіргі заманның жаһандық мәселелері. Қылмыскерлердің құрбаны болмау, еңбек пен жыныстық қанаушылықтан қалай аулақ болуға болады. Осы және басқа да өзекті мәселелер профилактикалық жұмыстың негізінде жатыр. Қылмыс құрбандарын анықтау және іздестіру жұмыстарының тиімділігін арттыру, сондай-ақ қанаушылықтың түрлі нысандарын бастан өткерген адамдарға көмек көрсету мақсатында мемлекеттік органдар мен азаматтық қоғам ұйымдарының өзара іс-қимылы жақсы жолға қойылуда.