МӘМС жүйесі бойынша жұмыс жасайтын Түркістан облыстық клиникалық ауруханасына 45 жастағы науқас сол жақ аяқ-қолы қызметінің нашарлауына байланысты шағымданған болатын. Науқасқа оң ортаңғы ми артериясының ишемиялық инсульті, жеделдеу кезеңі диагнозы қойылып, шұғыл түрде жүйке-тамырлар бөлімшесіне жатқызылды.
Шұғыл түрде оперативті ем көрсетіліп (эндоваскулярлы), селективті церебралды ангиография жасалды. Оң жақ ортаңғы ми артериясының М2 тармағынан механикалық тромбоэкстракция, тромбоаспирация жасалынып қан ұйындысы алынды. Ота сәтті өтіп, нәтижесінде науқастың сол аяқ-қолындағы кимыл-қозғалыс қалпына келтірілді. Бас миының инсульті кезінде науқастардың дер кезінде көмекке жүгінуі, шұғыл көмек көрсетуге мүмкіндік береді. Бұл шара науқасты мүгедектіктен аман алып қалды.
Айта кетерлігі, бір отаның құны 5,8 млн теңгені құрайды. Өткен жылдың 11 ай көлемінде 51 ота сәтті жасалып, науқастар отбасыларына аман-есен оралды.