Кербұлақ ауданының Халыққа қызмет көрсету бөлімі ғимаратында азаматтарды қабылдау өткізілді
Ағымдағы жылдың 16 ақпанында Кербұлақ ауданының Халыққа қызмет көрсету бөлімі ғимаратында мемлекеттік көрсетілетін қызметтер, олардың сапасы мен қолжетімділігі мәселелері бойынша Департаменттің бастамасымен Кербұлақ ауданының Тіркеу және жер кадастры бөлімі, Кербұлақ ауданының Жұмыспен қамту әлеуметтік бағдарламалар бөлімі және «Азаматтарға арналған үкімет» мемлекеттік корпорациясы» КЕ АҚ Жетісу облысы бойынша филиалы өкілдері азаматтарды қабылдау жүргізді.
Іс-шараның мақсаты – азаматтарды олардың құқықтарымен және мемлекеттік қолдау шараларымен таныстыру, көрсетілетін мемлекеттік қызметтердің сапасын және азаматтардың қанағаттану деңгейін арттыру.
Қабылдауға келген азаматтарға тиісті түсініктемелер мен жауаптар берілді.
Қазақстан Республикасы Мемлекеттік қызмет істері агенттігінің Жетісу облысы бойынша Департаменті
