Жетісуда жеңіл автокөліктің жүргізушісі екі жаяу жүргіншіні қағып өлтірді

Жол-көлік оқиғасы "Алматы-Өскемен" тас жолының 141 шақырымында орын алды, онда 29 жастағы Ауди А8 жүргізушісі рульді басқара алмай, жаяу жүргіншілер өткелінен өтіп бара жатқан екі жаяу жүргіншіні қағып кетті. Екі ер адам да сол жерде көз жұмды.

Аталған факті бойынша сотқа дейінгі тергеп-тергеу басталды. Оның барысында қажетті сараптамалар тағайындала отырып, өлімге әкелген ЖКО-ның барлық мән-жайлары анықталады. Автокөлік арнайы автотұраққа орналастырылды.

Полиция көлік жүргізушілерінен жылдамдық режимін қатаң сақтауды сұрайды. Есіңізде болсын, жол қозғалысы ережелерін елемеу, әдетте, қайғылы жағдайға әкеледі.