Жетісу облысында мас күйінде көлік жүргізген ер адам он күн ішінде екі рет ұсталды

Жол көлік оқиғасына кінәлі азаматты бұрын көлікті мас күйінде басқарғаны үшін Кербұлақ ауданында облыстық патрульдік полиция батальонының қызметкерлері ұстағаны анықталды. Алайда сот ер адамның жас баланы жалғыз тәрбиелеп отырғанын ескеріп, оны 7 жылға жүргізуші куәлігінен айырумен ғана шектелді. Сол кезде ол қамауға алу түріндегі жазадан құтылып кетті. Бірақ нәтижесінде, ер адам тиісті қорытынды жасамай, қайтадан мас күйінде аса ауыр құқық бұзушылық жасады.Жол апатына кінәлі азаматқа қатысты ҚР ҚК-нің 346-бабына (Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) сәйкес қылмыстық іс қозғалды. Ер адам қамауға алынды, ал оның кішкентай баласы әзірге туыстарына тапсырылды.