ТАЛДЫҚОРҒАННЫҢ ПАТРУЛЬДІК ПОЛИЦИЯ ҚЫЗМЕТКЕРЛЕРІ ҮШ КҮН ІШІНДЕ АРНАЙЫ ТҰРАҚҚА 22 АВТОКӨЛІКТІ ОРНАЛАСТЫРДЫ

Талдықорған қаласында 10-12 ақпан аралығында қалалық патрульдік полиция қызметкерлері «Қауіпсіз жол» жедел-профилактикалық іс-шараны өткізуге бастамашылық жасады.

Іс-шара барысында жол қозғалысы ережелерін өрескел бұзушылықтарды анықтауға ерекше назар аударылды. Олардың ішінде алкогольдік мас күйінде көлік жүргізушілерін анықтау, сондай-ақ, автомобильдерді дұрыс қоймауға байланысты және жаяу жүргіншілердің жол жүру бөлігін кесіп өту кезінде жіберген бұзушылықтары бар. Яғни, жол-көлік оқиғаларына әкеп соқтыратын құқықбұзушылықтар анықталды.

«Үш күн ішінде патрульдік полицейлер 480 әкімшілік құқық бұзушылықты анықтады. 4 мас жүргізуші ұсталды. Арнайы тұраққа 22 көлік қамалды. Сондай-ақ, 72 жаяу жүргінші жауапкершілікке тартылды», - деді Талдықорған ҚПБ Патрульдік полицияның командирі Руслан Примжанов.