Қазақстан Журналистер одағы Журналистика күніне орай байқау жариялайды

Қазақстанда 2022 жыл Балалар жылы болып жарияланды. Олардың амандығы – мемлекетіміздің табысты болашағының сенімді кепілі.

Осыған байланысты бұл тақырып басымдыққа ие болады. Сондай-ақ, 28 маусым – Журналистика күніне орай БАҚ өкілдері арасында өтетін дәстүрлі байқау журналистердің басқа тақырыптарды таңдауына да мүмкіндік береді.

Байқауға ұсынылатын материалдарға қойылатын негізгі талап – тақырыпты объективті, жан-жақты, терең ашу, мәселеге өзіндік, шығармашылық көзқарас, өзектілік, тиімділік. Ағымдағы тақырып бойынша жарияланымдар сериясы басымдыққа ие болатынын да ескерте кетеміз.

Конкурсқа 2022 жылғы 1 қаңтардан бастап 2022 жылғы 1 маусымға дейін жарияланған немесе эфирге шыққан материалдар, фотосуреттер, радио-видео сюжеттер қабылданады. Ұсынылған материалдар саны 5-тен аспауы тиіс.

Байқауға материалдарын қабылдау 10 маусымда аяқталады.

Материалдарға сілтемелерді көрсете отырып сауалнамалық мәліметтерді [email protected] поштасына электронды түрде жіберу керек. Сауалнамада сіз жұмыс орныңызды, лауазымыңызды, үй мекен-жайыңызды, телефон нөміріңізді және материалдардың қай басылымдарда жарияланғанын көрсетуіңіз қажет.

Байқау нәтижесі 20 маусымда жарияланады, марапаттау 2022 жылдың 28 маусымында Алматы қаласында өтеді.