Жетісу облысында есірткі сатумен айналысқан ерлі-зайыпты жұп ұсталды
Талдықорғанда облыстық Есірткі қылмысына қарсы іс-қимыл басқармасының жедел қызметкерлері арнайы операция жүргізіп, кезекті есірткі сататын нүктені жойды. Полицейлер есірткі саудасына күдікті ерлі-зайыптыны ұстады.
«Ерлі-зайыптылар өсімдік тектес есірткі заттарын таратуға және сатуға күдіктенеді. Ерлі-зайыптылардың екеуі де жалпы салмағы шамамен 10 грамм болатын гашиштің екі дозасын сату кезінде ұсталды. Фактілер бойынша тергеу амалдары жүргізіліп жатыр. Күдіктілер қамауда отыр», – деді Жетісу облысы ПД ЕҚҚІБ бастығы Мұрат Жұмабаев.
Жыл басынан бері өңірде заңсыз айналымнан 23 кг түрлі есірткі тәркіленді. Есірткі саудасына 8 күдікті адамдар ұсталды.
Құрметті азаматтар, біз Сіздерді есірткі саудагерлеріне қарсы іс-әрекеттерді біріктіруге шақырамыз. Егер Сіздердің біреулеріңізде есірткі сатушы туралы ақпарат болса, дереу полицияға 8 705 345 99 03 телефон арқылы немесе 102 хабарлауыңызды сұраймыз. Тек әрқайсыңыздың қатаң ұстанымыңыз және құқық қорғау органдарына қолдау көрсету Жетісу облысында есірткінің таралмауына көмегін тигізеді.
