«Бір ауыл-бір өнім» - Сарқан ауданында
Жетісу облысының әйелдер кәсіпкерлігін дамыту орталығы мен іскер әйелдер Кеңесінің өкілдері Сарқан ауданына іс-сапармен барып қайтты.
Сапар аясында орталық өкілдері «Бір ауыл-бір өнім» бағдарламасы аясында ауданның әйел кәсіпкерлерінің қызметімен танысты. Бұл: жасалған шұжықтар, жемістерден жасалған джем, әртүрлі сабындар. Кәсіпкер өз цехтары туралы айтып, ауданда осы өнімдерге сұраныс жақсы екенін айтып кетті.
Аудан әкімдігінде өткен кездесу барысында қатысушылардан бірлескен жұмыс туралы әртүрлі ұсыныстар түсті. Әйелдер ауданда жалюзи өндіретін бизнес, кептірілген жемістер өндіретін бизнес ашқысы да келеді.
Іс-шара соңында әйелдер кәсіпкерлігін дамыту орталығының өкілдері сұранысқа ие мамандықтар бойынша оқыту үшін өтініштер жинады. Жергілікті жерде кәсіпкерлермен жұмысты Сарқан ауданы кәсіпкерлер палатасы филиалының директоры Сания Елюбаева жүргізеді. Алдағы уақытта біз олардың идеяларын жүзеге асыруға жәрдемдесуге дайынбыз.
