Жетісу облысында жолаушыларды тасымалдау ережесін бұзған он автокөлік айыппұл тұрағына қамалды

Патрульдік полиция қызметкерлері облыстық көліктік бақылау инспекциясымен бірлесіп жол қауіпсіздігі бойынша профилактикалық іс-шара өткізді. Іс-шараның мақсаты – жолдардағы қауіпсіздікті қамтамасыз ету және жол-көлік оқиғаларын азайту, сондай-ақ жолаушыларды тасымалдау кезінде жүргізушілер арасындағы құқық бұзушылықтарды анықтау. Жұмыс істеген бірнеше күн ішінде жолаушылар мен жүк тасымалдау ережелерін бұзудың 24 фактісі анықталды. Құқық бұзушылар арасында жеңіл көліктің де, жолаушылар тасымалдайтын көліктің де жүргізушілері бар. Айыппұл тұрағына 10 автокөлік қамауға алынды. Патрульдік полиция қызметкерлері іс-шара аясында ҚР жол қозғалысы ережелерін сақтау тақырыбына және өңірдегі апаттың жай-күйі туралы мәліметтер көрсетілген брошюралар тарата отырып, түрлі мәселелер бойынша автокөлік жүргізушілеріне кеңес беріп жатқанын толықтырып айтты.Тәртіп сақшылары барлықтарыңызды жол қауіпсіздігін сақтауға бағытталған іс-шараларға түсіністікпен қарауға шақырады.