Қолданыстағы заңнамаға енгізілген өзгерістер мен толықтыруларды түсіндіру мақсатында Департамент басшысы Қобылан Манап және Қазақстан Республикасы Президентінің жанындағы Мемлекеттік басқару академиясының Жетісу облысы бойынша филиалының білім беру бағдарламаларын іске асыру және ілгерлету кабинетінің меңгерушісі
Альфия Калханова Сарқан ауданына іссапармен барды.
Іссапар барысында жергілікті атқарушы органдарының мемлекеттік қызметшілерімен кездесу өткізіп, департамент басшысы тарапынан мемлекеттік қызмет саласында орын алып жатқан өзгерістер мен жаңашылдықтар туралы түсіндірме жұмысы жүргізілді.
Өз кезегінде, А. Калханова Қазақстан Республикасы Президенті жанындағы мемлекеттік басқару академиясының магистратурасы мен докторантурасына түсу шарттарын түсіндірді, сонымен қатар 2023 жылғы қабылдау ережелеріндегі өзгерістеріне тоқталып, қатысушылардың сұрақтарына жауап берді.
Сонымен қатар іссапар шегінде Халыққа қызмет көрсету сапасына және қолжетімділігіне бақылау жүргізу мақсатында Қ. Манап аудандық Халыққа қызмет көрсету орталығы мен жергілікті Сервистік әкімдігінің жұмысымен танысып онда азаматтарды қабылдады. Қабылдау барысында азаматтарды толғандырған сұрақтарға жауап берді.
Департамент басшылығымен осы бағыттағы кездесулер легі жалғасады.
Қазақстан Республикасы Мемлекеттік қызмет істері агенттігінің Жетісу облысы бойынша Департаменті