МӘМС: инсультпен түскен науқастың жағдайы тұрақталды

Түркістан облыстық клиникалық ауруханасы нейроорталығының қарқынды терапия бөлімшесіне шұғыл жағдайда массивті субарахноидалді қан кету және ми мен қарынша ішілік қан құйылу типіндегі геморрагиялық инсульт диагнозымен науқас түсті. Науқастың жай-күйін толық тексерген дәрігерлер  селективті церебральды ангиография көмегімен эндоваскулярлы араласу отасын жасады.

Отаны білікті дәрігерлер С.Сапаков және Н.Өтенов жасады. Ота барысында науқастан жүрек түріндегі алдыңғы байланыстырушы артериясының аневризмасы анықталды. Операция сәтті өтті, науқастың жағдайы тұрақталды.

Ескеретін жайт, аталмыш ота МӘМС аясында ақысыз жүргізілді.