Ауылда шап жарығына лапароскопиялық ота жасалады
Түлкібас ауылында орналасқан орталық аурухананың хирург дәрігерлері шап жарығына отаны лапароскопиямен жасауды бастады. Аталмыш отаның көмегімен балаларға ем шаралар жасалды. Қуанарлығы барлық операциялар сәтті өтті.
-Ауруханадағы лапароскопиялық әдіс асқынбаған шап жарығын емдеудің тиімді тәсіліне айналды. Жалпы, шап жарығы бар науқастардың басым бөлігіне лапароскопиялық операция жасалады. Аурухана дәрігерлері ота барысында жоғары сапалы торлы импланттарын қолданады. Лапароскопияны қолдану пациенттер үшін жарақат алу қаупін азайту, оңалту уақытын қысқартуға септігін тигізеді. Операция ақысы медициналық сақтандыру қорының қаражатынан төленеді – деді, аурухананың бас дәрігері Ж.Тоғайбекова.
Дәрігердің айтуынша, лапароскопиялық хирургия шамамен бір сағатқа созылады. Ота жасалған күні пациенттер ауруынан айығып, орнынан тұруына болады. Ал, 3-4 күнде науқас үйге шығарылады.
