«ҚазТрансГаз Аймақ» АҚ: 2023 жыл қорытындысы
Бүгінгі таңда 11 миллион 700 мың адамға табиғи газ қолжетімді. Биыл 91 793 жаңа абонент қосылды. Абоненттердің жалпы саны 2 миллион 418 мыңнан асты. 2023 жылы республика бойынша 107 елді мекен табиғи газға қосылды. Газ құбырларының ұзындығы 5 440 шақырымға ұлғайып, 69 156 шақырымға жетті.
«ҚазТрансГаз Аймақ» АҚ жаңа корпоративтік сайты жасалып, іске қосылды.
Астана қаласы бойынша 2023 жылы газға 2 мыңнан астам абонент қосылды. Елордада газдандырылған үйлер мен нысандардың жалпы саны 10 мыңнан асады. Бүгінгі таңда Астана қаласын газдандырудың бірінші және екінші кезегі бойынша жобалар іске асырылды. Сондай-ақ, «ҚазТрансГаз Аймақ» АҚ қаладағы 3 жылу энерго-орталығын, «Оңтүстік-Шығыс» және «Тұран» газ жылыту стансаларын табиғи газға қосты.
Тұрғын үйді газдандыру бойынша құрылыс-монтаждау жұмыстарын жүзеге асыратын лицензияланған компанияларды іздеуге арналған «Маркетплейс» порталы іске қосылды.
Биыл 10 өңірдің газ тарату желілері цифрландырылып, 7 өндірістік филиалда абоненттердің геоақпараты анықталды.
Барлық өңірлерде «112» бірыңғай диспетчерлік қызметінен азаматтардың ұялы телефондарына табиғи газды тұтыну кезінде қауіпсіздік ережелерін сақтау туралы апта сайынғы SMS – хабарламалардың жіберілуі жолға қойылды.
«ҚазТрансГаз Аймақ» компаниясының басты мақсаты - халықты, әлеуметтік маңызы бар объектілерді және коммуналдық – тұрмыстық объектілерді табиғи газбен үздіксіз қамтамасыз ету.
Газ саласындағы қызметтерді цифрландыру 2024 жылы да жалғасады.
