Жаңа туған сәби «Абай» Келес аудандық ауруханасынан жедел түрде облыстық балалар ауруханасының жаңа туған нәрестелер реанимация бөліміне ауыстырылды. Нәресте туғаннан соң, бірінші сағаттарда ішкі ағзада қан кетіп, қан анализінде гемоглобин мөлшері түсіп, әлсіздік симптомдары байқалған. УДЗ тексеру нәтижесінде іш қуысында көп мөлшерде сұйықтықтың жиналуы белгілі болған.
Сәбиге МӘМС шеңберінде операция жасалынды. Науқастың бауырының оң жақ бөлігінде туа пайда болған кистасы бар. Соның салдарынан іш қуысында көп мөлшерде қан сұйықтығы жиналған. Операция барысында қан кету тоқтатылып, кистаға энуклеация жасалды. Яғни, дәрігерлер шақалақтың бауырындағы ісіктің өсуін тоқтатты. Операциядан соң, нәрестенің жағдайы жақсарып, анасымен үйіне шығарылды.
Бауырдың туа біткен паразитарлық емес кистасы ауруы жаңа туған нәрестелерде өте сирек кездеседі. Педиатриялық тәжірибеде бұл құрсақ қуысының раритетті кездейсоқ ісігі. Көп жағдайда бұл ахау симптомдарсыз өтеді. Жаңа туған нәрестелерде, кейде бұл ахау белгілері өмірінің бірінші сағаттарында симптомдары белгілі болып, жедел хирургиялық араласуды қажет етеді.
