Канадалық және жапондық компаниялар «Самұрық-Қазынаның» қайырымдылық операторына қаражат аударды

Әлем бойынша ең ірі уран өндірушілердің бірі, канадалық «Cameco» компаниясы 150 млн теңге және жапондық «Marubeni» сауда компаниясы 14,1 млн теңгені Қордың бірыңғай қайырымдылық операторына аударды. Аталмыш кәсіпорындар – «Қазатомөнеркәсіп» АҚ шетелдік серіктестері.

Қаражат қайырымдылық операторы «Samruk-Kazyna Trust» қоры арқылы су тасқынынан зардап шеккен өңірлердегі инфрақұрылымды қалпына келтіруге арналған әлеуметтік жобаларды жүзеге асыруға бағытталады.

Жалпы осыған дейін «Самұрық-Қазына» компаниялары тобы елімізде орын алған су тасқынына қарсы күреске 15 млрд теңге бағыттады.