Жаңа технология арқылы сапалы медициналық көмек көрсетілуде

Ленгір қалалық ауруханасында міндетті әлеуметтік медициналық сақтандыру (МӘМС) жүйесі аясында науқасқа лапароскопиялық холецистэктомия отасы сәтті жасалды.Ота жаңадан орнатылған заманауи видеоэндоскопиялық Olympus құрылғысының көмегімен өтті.

Аталған құрылғының басты артықшылықтары –

·         минималды жарақат алу,

·         ота уақытының қысқаруы,

·         науқастың тез сауығуы және

·         отадан кейінгі жайлылықтың жоғары болуы.

Дәрігерлердің айтуынша, ота сәтті аяқталып, науқастың жағдайы қанағаттанарлық.

Аурухана басшысы Елдос Едігеұлының мәлімдеуінше, бұл құрылғының көмегімен енді хирургиялық және гинекологиялық бағыттағы жедел әрі жоспарлы оталар жасауға толық мүмкіндік бар.

«Лапароскопиялық оталарды жүргізетін мамандар жеткілікті. Бұл науқастардың өмір сапасын арттырып, қалпына келу мерзімін едәуір қысқартады», – дейді ол.