«ҮЗДІК ЖҮРГІЗУШІ-2023» байқауы ұйымдастырылды
«ҮЗДІК ЖҮРГІЗУШІ-2023» байқауы ұйымдастырылды
Өрт пен төтенше жағдайларды жою кезінде техниканың маңызы зор. Жеке құрамды оқиға орнына жеткізу, оларға авариялық-құтқару жұмыстарын жүргізу үшін өрт сөндіргіш заттарын табыстау жауапты жұмыс. Жуырда өрт сөндіру автокөліктерінің жүргізушілерінің дағдыларын жетілдіру және кәсіби шеберлігін арттыру мақсатында "Үздік жүргізуші – 2023" байқауы ұйымдастырылды.
Байқау екі этаптан тұрды: бірінші этапта әр өрт сөндіру бөлімі өз үздігін анықтаса, екінші этап "Үздік жүргізуші – 2023" Қызылорда қаласы №5 өрт сөндіру бөлімі ауласындағы автодромында өткізілді. Байқауға негізгі мақсаттағы "Урал" шассиіндегі автомобиль мен 14 өрт сөндіру бөлімдерінің үздіктері қатыстырылды.
Жүргізушілерге қойылатын қатаң талап бар. Мысалы: олар өрт сөндіру автокөлігін қауіпсіз басқару негіздерін, көліктің тактикалық-техникалық сипаттамаларын, құрылысын, әрекет ету принциптерін, арнайы агрегаттарға қызмет көрсету мен жұмыс істеуін, өрт сөндіру автокөліктерінің барлық түрлерін жүргізе білуі қажет.
Сайыс ережесі бойынша жүргізушілер жылан қозғалысы, көлікті шектеулі алаңға тұрақтау, артқы жүріспен көлікті боксқа қою деп аталатын 8 түрлі кедергіден сүрінбей, жедел өтуі қажет. Жарыс соңында жылдам әрі нақты іс қимылды кәсіби тұрғыда көрсеткен №2 мамандандырылған өрт сөндіру бөлімінің маманы 1 орынды иеленді, жүлделі 2-орынды №1 мамандандырылған өрт сөндіру бөлімінің қызметкері, 3- орынды Жаңақорған ауданы №14 өрт сөндіру бөлімінің автокөлік жүргізушісі алды.
Сонымен бірге бірінші орын алған №2 мамандандырылған өрт сөндіру бөліміне «ҮЗДІК ЖҮРГІЗУШІ-2023» ауыспалы кубогы табысталды.
Қызылорда облысы ТЖД
“ӨСжАҚЖҚ” ММ
