Бүгін, 19 наурыз күні, Жетісу облысы Кәсіпкерлер Палатасының Қаратал ауданы филиалының ұйымдастыруымен "Марозов" атындағы №51 жалпы орта білім беру мектебінің 10-сынып оқушылары үшін "Жұмысшы мамандықтар жылы" аясында кәсіби бағдар беру экскурсиясы өтті.
"ЛАД" жеке кәсіпкерлігіне ұйымдастырылған «Болашаққа қадам» атты шараның басты мақсаты – мектеп оқушыларына болашақ мамандықтарын дұрыс таңдауға бағыт-бағдар беру, олардың кәсіпке деген қызығушылықтарын арттырып, қабілеттерін анықтау болды.
Экскурсия барысында оқушылар кәсіпорынның жұмыс барысымен танысып, өндіріс орындарын аралады. Оларға түрлі жұмысшы мамандықтарының қыр-сыры түсіндіріліп, кәсіби дағдыларды меңгеру жолдары жайлы ақпарат берілді. Сонымен қатар, кәсіпорында еңбек етіп жүрген мамандар оқушылармен кездесіп, өз тәжірибелерімен бөлісті.
Шараға қатысқан оқушылар өздерін қызықтырған сұрақтарға жауап алып, түрлі мамандықтар туралы жан-жақты мағлұмат алды. Олар өндіріс саласында жұмыс істеудің маңыздылығы мен артықшылықтарын түсініп, болашақ мамандық таңдауда жаңа ой түйді.
Осындай кәсіби бағдар беру шаралары жасөспірімдердің болашақ мамандығын саналы түрде таңдауға ықпал етіп, олардың еңбек нарығында өз орнын табуына үлкен көмек болары сөзсіз.
