NewsHub.kz" - бұл ұйымдардың баспасөз қызметтерінің бұқаралық ақпарат құралдарымен тиімді өзара іс-қимыл жасауына арналған интернет-алаң.

"NewsHub.kz" ақпараттық хабы ұйымдарға баспасөз хатшыларының виртуалды кабинеттерін ашуға мүмкіндік береді, мұнда олар баспасөз хабарламаларын, жаңалықтар материалдарын және тіркелген журналистерге қолжетімді болатын басқа да ақпаратты жариялап, журналистер жеке кабинеттерін аша алады.

Ақпараттық хабтың жұмысы расталмаған немесе жалған ақпараттың таралуына мүмкіндік бермейді және шынайы ақпараттың таралу жылдамдығын арттырады.

Аталған жобаның арқасында кез-келген аймақтық БАҚ жетекші республикалық басылымдармен бір уақытта ақпарат алады. Осылайша, нақты және сенімді ресми ақпарат белсенді интернет желісін пайдаланушыларға ғана емес, Қазақстанның барлық азаматтарына олардың тұратын аймағына қарамастан жедел жеткізіледі.

Порталдағы әрбір баспасөз қызметі үшін NewsHub.kz-те жеке кабинет ашылады, онда баспасөз қызметі компанияның ресми хабарламаларын өз бетінше орналастыра алады. Пресс-релиздің немесе өзге де материалдың орналастырылғаны туралы хабарлама белгіленген NewsHub.kz (IOS/Andriod) мобильді қосымшасы арқылы PUSH-хабарлама арқылы дереу журналистерге таратылады. Бұл хабарландыру баспасөз хатшыларында байланыс деректері (e-mail) бар журналистерге жіберу қажеттілігін жояды.

Барлық жарияланған пресс-релиздер мұрағатта сақталады, яғни қалаған сәтте қажетті ақпаратты оңай табуға мүмкіндік береді. Сонымен қатар баспасөз қызметі портал әкімшілігіне қарамастан, жарияланған хабарламаларға өзгерістер мен толықтырулар енгізе алады.

Сонымен қатар, диалог алаңы тіркелген журналистпен олардың жеке аккаунттары арқылы тікелей байланыс орнату мүмкіндігін қарастырады. Журналистердің аккаунттары жергілікті аймақтарда тіркелген, бұл белгілі бір аймақтың журналистерін іздеуді жеңілдетеді.

Осы алаңда барлық заманауи технологиялар мен функцияларды енгізу және тиімді пайдалану мүмкіндігі қарастырылған.

Ақпараттық интернет порталдың мақсаты - халықтың неғұрлым кең топтарына ресми дереккөздерден шынайы ақпаратты жедел жеткізу.