Кентау қалалық орталық ауруханасына 15 жастағы науқас ішкі құрылысының кенеттен ауырсуына байланысты жедел жәрдеммен жеткізілді. Науқасқа лабораториялық және инструментальді тексеру жүргізілді. Тексеру нәтижесінде науқасқа он екі елі ішек ойық жарасының перфорациясы диагнозы қойылды. Науқасқа шұғыл түрде лапароскопиялық әдіспен тігу операциясын аурухананың біліктілігі жоғары дәрігер-хирургі Жәңгірхан Бимаханұлы, дәрігер-хирург Фурхат Жұмадилұлы, реаниматолог-анестезиологтар Ержан Ысқақұлы және Мақсат Бөкенбайұлы отаны сәтті жасады.
Ж.Бимаханұлының айтуынша, аталмыш ота құрсақ қуысын ашып жасалатын. Бүгінде құрсақ қуысын толық ашпай-ақ лапараскопиялық әдіспен жасалатын болады.
Науқас МӘМС жүйесінде жеңілдік санатқа кіретіндіктен тиісті ем-шараларды толығымен қабылдады. Науқастың отадан кейінгі кезеңі асқынусыз өтіп, бірнеше күннен соң үйіне шығарылды.