Бағанашылдағы бейімдеу орталығынан 39 жасөспірім Қонаевтағы ғимаратқа көшірілді Источник: https://24.kz/kz/zha-aly-tar/kogam/720886-baganasyldagy-bejimdeu-ortalygynan-39-zasospirim-konaevtagy-gimaratka-kosirildi Қолданылған материалдарға міндетті түрде 24.kz сайтына гиперсілтеме берілуі тиіс

Бағанашылдағы бейімдеу орталығына орналастырылған 39 жасөспірім бүгін Қонаев қаласында пайдалануға берілген жаңа ғимаратқа көшірілді, деп хабарлайды 24.kz.

Өмірлік қиын жағдайға тап болған балалар жаңа оқу жылы басталғанша заман талабына сай жарақтандырылған ғимаратта бейімдеуден өтеді. Олардың бәрі бірінші қыркүйекте облыс орталығындағы мектептерде білім ала бастайды, дейді мамандар. Қонаевтағы жаңадан салынған ғимаратқа Бағанашылдағы бейімдеу орталығынан 39 жасөспірім автобуспен жеткізілді. Жеке инвестор оның құрылысына 4 млрд теңге бөлген. Заман талабына сай салынған орталық оқу және ойын кабинеттерімен, шығармашылық студия, спорт залы, жатын бөлмелермен, мамандарға арналған кабинеттермен жабдықталған.

«Қонаев қаласындағы жаңа балалар үйі өте керемет екен. Маған өте ұнады. Іші де, сырты да сапалы», - дейді оқушы Раина Мамытәлиева.

«Облыс орталығынан салынған жаңа ғимаратқа көшіп келгендердің барлығы бейімдеу орталығындағы балалар. Олардың арасында Бағанашылдағы балалар үйінің тәрбиеленушілері жоқ. Балаларға бәрі ұнап жатыр», - деді облыстық білім басқармасының басшылары.

Қонаевтағы жаңа орталық 181 балаға арналған. Заман талабына сай салынған ғимарат 10 шілде күні облыстық білім басқармасының балансына өтті. Көшіп келген балалар жаңа оқу жылында Қонаев қаласында шоғырланған мектептер мен гимназияларда білім ала бастайды.