Спорт әлемі күз маусымындағы ең қызықты жекпе-жекті күтіп отыр. 2024 жылдың 15 қыркүйегінде екінші орта салмақтағы біріккен чемпион, мексикалық Сауль «Канело»Альварес пуэрто-риколық Эдгар Берлангамен кездеседі. Бұл жекпе-жек екі боксшы үшін де күрделі сынақ болмақ, ал көрермендерге есте қаларлық әсер сыйлайды.
Лас-Вегаста өтетін бұл жекпе-жекті «Хабар» телеарнасы Астана уақыты бойынша таңғы сағат 06:00-ден бастаптікелей эфирде көрсетеді.
Айта кетейік, 27 жастағы пуэрто-риколық перспективалы боксшы Эдгар Берланга екінші орта салмақтағы боксшылар арасында болашағынан көп үміт күттіреді. Ол абсолютті әлем чемпионы үшін ең тартымды қарсылас деп танылуда. Эдгар Берланга: «Осы жекпе-жекте Канелоны зейнетке шығаруға бар күшімді жұмсаймын», – деп мәлімдеген болатын. Бұл туралы Sports.kz сайты Fightnews.info порталына сілтеме жасай отырып хабарлады.
34 жастағы Сауль Альварес WBC/WBA/WBO нұсқалары бойынша супер орта салмақтағы (76,2 килограмға дейін) үш белдікке ие. Сондықтан да болар, көптеген спорт сарапшылары бұл жекпе-жекке «тәжірибе мен жастықтың айқасы» деген баға беруде.
«Хабар» арнасы ұсынған тартысты текетіресті жіберіп алмаңыздар!